JOSUNE AMUNARRIZ
Hondarribia, 1942
Josune Amunarriz 1942. urtean jaio zen, Hondarribian. Txiki-txikitatik erakarri izan du marrazkien eta margolaritzaren munduak. Barnetegian ezaugarri horrexengatik nabarmendu zen, hain zuzen.
1959 eta 1960an, Ascensio Martiarena izan zuen irakasle, Donostian.
1961 eta 1962 urteetan, Manuel Villaseñorrek ematen zituen horma-margo ikastaroetan hartu zuen parte, San Fernandoko Arte Ederren Eskolan.
1964an Salvador Diazekin ezkondu zen, eta Madrilen, Hondarribian eta Iruñean bizi izan ziren elkarrekin, hurrenez hurren. Denbora-tarte horretan, bikotearen bost seme-alabak jaio ziren.
1980an Oviedora joan zen. Hurrengo hamaika urteetan ugaldu egin zuen nabariki bere lana: gero eta bizkorrago marrazten zuen, marrazteko modu horrek sintetizatzera eraman zuen, eta halakoxe bilakaera izan zuen.
1991n bizitokiz aldatu zen berriro; ordukoan, Madrilera joan zen, eta hantxe bizi da gaur egun.
Bere banakako erakusketak:
1962 Círculo Guipúzcoa, Donostia
1975 Informazio eta Turismo Ministerioa, Donostia
1978 Caledonia Galeria, Bilbo
1979 Donostiako Aurrezki Kutxa
1980 Araba Galeria, Gasteiz
1981 Arte Galeria, Donostia
1984 Revillagijedo Jauregia, Gijon
1986 Iruñeko Zitadelako Labea eta Mistoen Pabiloia
1989 Maria Blanchard Aretoa, Santander
1997 Salvador Diaz Galeria, Madril
1998 Lekune Galeria, Iruñea
2002 Salvador Diaz Galeria, Madril
2005 Salvador Diaz Galeria, Madril
2007 Kubo-kutxa Aretoan
|
