DENDA - Sala kubo aretoa

kubo-premios-COFF-sariak

ERAKUSKETA

AUTOREAK

BISITA GIDATUAK

ARGAZKIAK

EDIZIOA

COFF SARIAK

ESKO MÄNNIKKÖ

ORDÓÑEZ-FALCÓN NAZIOARTEKO ARGAZKILARITZA SARIA

IÑAKI BONILLAS

ISABEL SARIA COFF - FUNDAZIOA

DATA: 2006ko apirilaren 26tik uztailaren 2ra

Kutxaren Kubo Aretoak urtero irudiarekin lotutako erakusketa bat programatzeko konpromisoa du, eta konpromiso horren harira, aurtengoan ere, COFF Fundazioak saritu dituen bi argazkilariren arteko elkarrizketa irekia aurkezten du. COFF Fundazioak sortu berriak ditu 30 urtetik beherako artistentzako "Isabel2 saria eta Ordóñez-Falcón Nazioarteko Argazkigintza Saria. Lehenengo edizio honetan, saridunak, Iñaki Bonillas (Mexiko, 1981) eta Esko Männikkö (Oulu, Finlandia) izan dira, eta beraiek dira kutxako Kubo Aretoak aurkezten duen erakusketa berri honetako protagonistak. Bi artista horiek argazkigintzara eta argazkira, gertaera bisual gisa, hurbiltzeko dituzten moduak oso desberdinak dira eta, horrek, oraingoan ere, argazkiaren adierazpen-gaitasuna nabarmentzen lagunduko digu.

Männikkö autodidakta izan da, eta bere lanean erretratuak dira nagusi. Finlandia bere sorterriko pertsonaien erretratuak, batik bat Laponian eta Ostrobothoniako lautadatan, herrialdearen iparraldean, dauden basoetako biztanleen erretratuak. Estatu Batuen eta Mexikoren arteko mugan, Eskozian edo Bartzelonan ere egin du lan. Baina, kasu guztietan, Esko Männikkök izaki marjinalenganako interesa erakusten du. Erretratatutako pertsona guztiak beren etxebizitzen barruan daude (oso gutxitan agertzen dira kanpoaldean), ohiko jarreratan, eta beren inguruneko ohiko objektuez inguratuta. Argazkiak, beti kolorezkoak, eta artistak berak marko zaharrekin markoztatzen dituenak, modeloen inguruko hainbat datu desberdin igortzeko gai dira: zein maila sozialetakoak diren, gustuak, eguneroko lanak,... Informazio hori guztia beraiekin biziz blitzen du Männikkök.

Bestalde, Iñaki Bonillas irudiaren eta argazkigintzan kontzeptuala den horren arteko mugan kokatzen den argazkilaria da, argiaren eta denboraren inguruko hausnarketa-ariketak egiten ditu, eta horiek bere lan artistikoan patroi gisa erabiltzen ditu. Argazkikoaz kanpokoa esploratzeagatik nabarmentzen dela diote, argazkia -zentzu tradizionalenean- ezkutatzeagatik. Horretarako alderdi iragankorrenak eta marjinalenak berreskuratzen ditu argazkigintzatik, argazkigintza teknika gisa zehazten duten horiek. J.R Plazaren artxibo fotografikoa, bere aitona euskaldunarengandik oinordetzan hartua, eta artistak bere serie ezagunenetako bat bilakatu duena, lan-iturri oparoa da Iñaki Bonillasentzat; artxibo horretako argazkiak behin eta berriz lantzen eta berregiten ditu, irudi amaiezinak sortuz.

kubo-premios-COFF-sariak

ERAKUSKETA

AUTOREAK

BISITA GIDATUAK

ARGAZKIAK

EDIZIOA

Gure produktuetakoren bat eskuratu nahi baduzu, jar zaitez gurekin harremanetan 943 251939 telefonoaren edo helbide elektronikoaren bidez: This email address is being protected from spambots. You need JavaScript enabled to view it.

COFF SARIAK

Egileak:

Bartomeu Marí

Maareta jaukkuri

Carles Guerra

Hizkuntzak: euskaraz, gazteleraz,frantsesez eta ingelesez

Orrialde-kop.: 132

Argitaratze-urtea: 2006

ISBN:84-7173-483-4

Salneurria:

25€ (BEZa barne)

kubo-premios-COFF-sariak

ERAKUSKETA

AUTOREAK

BISITA GIDATUAK

ARGAZKIAK

EDIZIOA

kubo-premios-COFF-sariak

ERAKUSKETA

AUTOREAK

BISITA GIDATUAK

ARGAZKIAK

EDIZIOA

ESKO MÄNNIKKÖ

ORDÓÑEZ - FALCÓN NAZIOARTEKO ARGAZKILARITZA SARIA

Esko Männikkö (Finlandia, 1959) argazkilari autodidakta da. Bere lehenengo serietako batean, tokiko familia baten eguneroko bizitza hezurmamitu zuen. 90eko hamarkadaren erdialdean egin zen ezagun Männikkö nazioartean; hain zuzen, Finlandiako gune zapalduetan atera zituen gizon ezkongabeen argazkiak lau haizeetara zabaldu zirenean.

Männikkören lana antropologia- eta gizarte-dokumentalaren eta sormen-lan soil-soilik estetikoaren artean garatzen da. Bere pertsonaia guztiak (salbuespen urri batzuk alde batera utzita) nor bere etxeetan kokatzen ditu, eguneroko jarreretan eta ohiko objektuz inguraturik. Männikkören unibertsoa, azken buruan, zinez erromantikoa da. Zehatz-mehatz deskribatzen ditu denboraren hondamena, gizakiak naturarekiko duen harremanaren hausketa, galdutako idealak... Desegituratzearen estetika da, porrot pertsonalarena, bizirik dirauenarena...

Hainbat tokitan aritu da lanean Männikkö: Laponiako basoetan, Mexikok AEBekin daukan mugan, Eskoziako lantegietan... Alabaina, bere argazkiak ez dira huts-hutsean zentzu tradizionaleko argazki-dokumentalak, baizik eta baita buruko erretratuak ere; argazki horiek finlandiar argazkilariak barnean daraman unibertsoa ispilatzen dute.

IÑAKI BONILLAS

ISABEL SARIA - COFF FUNDAZIOA

Argiari eta denborari begirako gogoetazko ariketek osatzen dute Iñaki Bonillasek (Mexiko Hiria, 1981) bere lan artistikoan behin eta berriz erabili duen patroia.

Urte gutxian, argazkigintzaz kanpokoari buruzko lan-sistema zorrotz eta egonkorra irudikatu du Bonillasek. JR Plaza aitonaren eskutik jaso zituen argazki-artxiboetan inspiratu da horretarako; azken batean, horiek izan baitira bere lan osoaren inspirazio-iturri:

Little History of Photography (2003) osatzeko erabili zuen lehenengo aldiz Bonillasek argazki-artxibo hori. Eta, dokumentu bera erabili zuen, bigarrenez, Little History of Photography Part II (2003) lana eratzeko. Pieza honetan, lehenengo aldiz jarri zen ikusgai artxiboaren edukia. Horretarako, argi-kutxetan metatutako ektacromeak erabili ziren.

Aipatutako artxiboaren hirugarren eta azken erabilerari esker, 1.000tik gora argazki ikus daitezke, guztiak ere dokumentatuak eta homogeneizatuak, formatu bakarrean inprimatu baitira. Horrenbestez, denbora elementu giltzarri bilakatzen da; izan ere, bere gain hartzen du argazkiaren bizitza mugatua. Argazkiek une jakin batzuk biltzen dituzte, eta orain, denbora espezifiko bakarrean erakusten dira, modu kronologikoan.

kubo-premios-COFF-sariak

ERAKUSKETA

AUTOREAK

BISITA GIDATUAK

ARGAZKIAK

EDIZIOA


BISITA GIDATUAK IKASTETXE ETA KOLEKTIBO TALDEENTZAT: Euskaraz eta gazteleraz: Astelehenetik ostiralero 10:00etan, 11:00etan, eta 12:0etan edo arratsaldeko 16:00etan. Talde bakoitzeko kuota:30€ Gehien-gehienez 25-30 ikaslekoak Ezinbestekoa da aurrez erreserba egitea 943 012 400 telefonoan edo Aretoan bertan.

BISITA GIDATUAK PUBLIKO ZABALARENTZAT: Euskeraz: asteartero 19:30ean eta larunbatero 11:30ean. Gazteleraz: asteazkenero 19:30ean eta larunbatero 12:30ean. Kuota: 5€ Ezinbestekoa da aurrez erreserba egitea 943 012 400 telefonoan edo Aretoan bertan.


Arduraduna	Kutxa Taldea: Kutxa Fundazioa, Kutxagestion Zerbitzuak S.L.U. eta Fundación Bancaria Kutxa – Kutxa Banku Fundazioa.
Helburua	Kutxa Taldearen Newsletterra jasotzeko harpidetza egin nahi duten pertsona interesdun guztien identifikazio eta harremanetarako datuak kudeatzea, harpidetza-formularioan hautatutako jarduerei buruz.
Legimitazioa	Interesdunaren baimena (DBEO 6.1 a artikulua).
Jatorria	Zuzenean interesdunarengandik.
Hartzaileak	Ez da aurreikusten hirugarrenei datu-komunikazioak egitea, lege-bete beharra dagoenean salbu. Posibilitate hori kontuan hartzen bada, zure baimena eskatuko dugu.
Eskubideak	Interesdunak aukera izango du eskumeneko kontrol-agintariaren aurrean erreklamazioa aurkezteko, baita datuetan sartzeko, datuak zuzendu eta ezerezteko, datuen aurka egiteko, tratamendua mugatzeko eta eramangarritasuneko eskubideak baliatzeko ere, eta bere datu pertsonalak erabaki indibidual automatizatuen mendean ez jartzeko eta emandako baimena atzera botatzeko eskubidea ere izango du, eskubide horiek guztiak idazki bidez baliatu ahal izango dituelarik Kutxa Taldeko helbide sozialera (Mikeletegi pasealekua 79, Donostia) edo This email address is being protected from spambots. You need JavaScript enabled to view it. helbide elektronikora komunikazio bat bidaliz, kasu batean zein bestean nortasun-egiaztagiri baten fotokopiarekin batera.
Informazio gehigarria	Webgune honetan, informazio zehatza kontsulta dezakezu datuak babesteko gure politikaren inguruan: www.kutxa.eus

	Datuak babesteko politikaren gaineko oinarrizko informazio gehigarria irakurri dut eta onartzen dut.

Nav view search

Navigation

Search

More Articles...

Jarduerei buruzko informazioa jaso nahi dut

Datuak

DATU-TRATAMENDUARI BURUZKO OINARRIZKO INFORMAZIOA