IKUS USAINA

Komisariotza: Edorta Kortadi / Montserrat Fornells

DATA: 2001ko abenduaren 4tik 2002ko otsailaren 17ra

   Nazioarteko arte garaikideari buruzko bilduma berezi bat eskaintzen zaigu Kubo Aretoan ? Artearen Kutxagunea-, "Ikus Usaina" izeneko erakusketan. Bilduma hori Ernesto Ventos Omedes perfume-egile katalanaren erabakiz sortu zen, 1978. urtean, Bartzelonako Joan Miro Fundazioan egin zen "Sugestiones Olfativas" izeneko erakusketa dela eta. Erakusketa horretan perfume-egile ospetsuek parte hartu zuten.

   Joan Miro Fundazioan egin zen hori bezain erakusketa anitz eta poliedrikoak Ernesto Valdos jaunari iradoki zion usaimenarekin erlazionatutako arte plastikoko obrak eskuratzeko aukera; usainen artea, edo, zentzu zabalagoan, lurrinen mundua. Horrela, perfume-egilea egungo bilduma osatzen duten autore eta obrak haztatu zituen. Bilduma hori artearen munduarekiko eta usainen munduarekiko duen grina bikoitzaren fruitua da.

    Artistekin lankidetza hertsian lan egin zuen  -eta oso aberasgarria izan zen bai batzuentzat eta baita besteentzat ere-. Horrela, eta sormen plastikoaren eta usaimenaren arteko erantzun zuzen eta zehatz bat barneratzeko, hausnartzeko eta  bilatzeko zio perfektua ezarri zen. Izan ere, litekeena da usaimena izatea gure inkontzientean lurperatuen dagoen zentzua.

   Obra bakoitzarekin batera, normalean artistak berak idatzitako testu bat doa. Testu horrek ikus-munduaren eta usain-munduaren arteko lotura horretatik zehar egiten duen ibilbidean aurrera egiten laguntzen digu.

   Bisitaria formen magian murgildu beharko da, koloreen sinbologia ikertu beharko du; ehunduren sentsualitateak eta argi eta itzalen misterioak harrapatuko gaituzte, aldi berean erakusketako obra bakoitzak iradokitzen dizkigun usainak gogora ekartzeko esfortzua eginez. Horrela aurkitu zuen ESENTZIA.