lona oteiza

  ERAKUSKETA HITZALDIAK ETA LEKUKOTASUNAK
  IKUSKIZUNAK  

JARDUERA DIDAKTIKOAK

 

 

KUBO-OTEIZAANIV-PASADAS

OTEIZA URTEURRENA

Izan eta Izango

 

 

 

 

DATA: 2008ko urriaren 15etik 26ra arte

 


  

 

  Jorge Oteiza jaio zela ehun urte betetzen direla-eta, kubo-kutxa Aretoak artista hau berreskuratu nahi du, berari eskainitako erakusketarekin ireki baitzituen ateak duela 8 urte.


   2000. urteko erakusketa hura Oteizaren bi bereizgarriren inguruan antolatu zen: klarionak eta arbela, lanerako eta esperimentaziorako elementuak, erakusketa haren tonua markatu zutenak.


   Lan haren borondate esperimentalagatik eta han jarritako inplikazio eta ilusioagatik, Aretoa beti egon da sortzaile handi hari oso lotua, haren espirituak —kultura-asaldatzailearenak— kutsatu baitzuen gure etorkizuneko jardueraren filosofia.

 

   Orain aurkezten dugun proiektua Oteiza sortzailea eta pertsona OROITZEKO gunea da, baina batez ere, haren PRESENTZIARI eskainia, oraindik nabarmena baita egungo kultura-panoraman.

 

  Ikuspegi horretatik abiatuta, kubo-kutxa aretoa kultura sortzeko gune da, jarduera-edukiontzi handi bat, ideiak eta lana trukatzeko laborategia.

 

  Topaketa-leku honetan jarduera-programa zabala garatuko dugu jendearen parte-hartzearekin: klarion-laborategiak, espazioaren desokupazio edo hustuketarako laborategiak, kuboide-laborategiak, azaleztatze-lantegiak, artistek zuzendutako lantegiak, argazki-erakusketa, ekitaldiak, hitzaldiak, dokumentu-gunea, bideo-emanaldiak, lekukotasunen grabazioak.

 

  Proiektu honetan Jorge Oteizari 2000. urtean eskainitako gure lehen erakusketa hura oroitzeko gune bat ere izango da; ia hirurogeita hamar urte ziren Oteizak ez zuela Donostian erakusketarik egiten, azkenekoa hantxe bertan egin baitzuen 1934an Nikolas Lekuona eta Narkis Balenziagarekin batera, Ameriketara abiatu baino lehentxeago.

 

 

JORGE OTEIZARI BURUZKO IKUSPEGIEN ERAKUSKETA:

 


   Jarduera hauen guztien esparrua Jorge Oteizari buruzko erretratu aukeratuak izango dira, argazkilari enblematikoek eginak.

 

 

  Okasio honetarako ondorengo hauen argazkiak bildu dira: Iñaki Agirre, Arturo Delgado, Juantxo Egaña, Antton Elizegi,  Sigfrido Koch, Edurne Koch, Foto Lamia, Xabier Landa, Paco Ocaña, José Luis Plazaola, Juan Carlos Ruiz, Ramón Serras, Jury Sistiaga eta Jon Urbe.

 

 

JORGE OTEIZA MUSEO FUNDAZIOAREN GUNEA:


   Oteiza gune honetan Jorge Oteiza Museo Fundazioari lekua eskaini diogu, egiten ari diren lana eta etorkizunerako proiektua erakuts dezaten.