2000. urtean irekia, Kubo Kutxa,  Rafael Moneo arkitektoak diseinaturiko Kursaal eraikin bitxian dago eta Donostiako kultura-bizitzaren eskaintzarik garrantzitsuenetako bat bihurtu da. Kubo Kutxa aretoak 1.000 m2 ditu gutxi gorabehera, eta gune handi honek bere arkitektura bitxiarekin tamaina handiko erakusketak egiteko aukera ematen du.

Kubo Kutxaren programazioa, aldi baterako erakusketetan oinarritua, arte plastikoetan zentratua dago, bereziki XX. mendearen hasieratik gaur egunera arteko denbora-tartean, baina arte-adierazpenaren beste alor batzuei buruzko proposamenak ere integratzen ditu, adibidez, zinema, arkitektura edo diseinua.

Kubo Kutxak, era guztietako publikoengana iristeko helburuarekin, nazioarteko izaera duten erakusketa-proiektuak inguru hurbilagoko proposamenekin konbinatzen ditu, eta gaur egungo artista handien atzerako begiratuak nahiz egungo arteari buruzko hainbat tesitan oinarrituriko talde-erakusketak antolatzen ditu.

Bere erakusketa-ibilbide esanguratsuagatik, Kubo Kutxa  kulturaren erreferente bihurtu da, era guztietako arte-adierazpenak erakusteko leku, eta artista, aditu, kritikari eta publikoaren arteko topaketa-gune.

SARTZEKO ARAUAK:

	14 urtetik beheitikoak, heldu batekin.
	Debekatuta dago animaliak sartzea, gida-txakurrak edo ziurtagiridun laguntza emozionaleko animaliak izan ezik.
	Debekuta dago fardel handiekin sartzea. Debekatuta dago aterki handiak sartzea. Debekatuta dago objektu zorrotzak, palo selfieak eta abar sartzea. Ez dago kontsigna-zerbitzurik.
	Debekatuta dago aretoaren barruan jatea eta edatea..
	Debekatuta dago erretzea.
	Debekatuta dago argazkiak ateratzea flasharekin.
	Debekuta dago irristailu, patin, irristailu elektriko, bizikleta, baloi edo aretoaren iritziz desegokia den beste edozein elementurekin sartzea.
	Debekatuta dago jantzirik gabe sartzea.
	Debekatuta dago oinetakorik gabe sartzea.